07/30/2010 01:26 am
最近一個星期, 收到很多電郵, 都是問八字的問題. 由於涉及私隱, 不便在此討論. 大部份, 都是由於今年犯太歲引起的情緒問題.
犯太歲之年, 最易做錯決定. 所以, 有大事, 千萬不要選在犯太歲之年決定. 或者, 要多聽取其他人意見, 中和自已的磁場.
由於未來兩個月的工作都已差不多滿了, 所以我已關上財位的風扇, 給自己休息一下….天氣實在太熱..
另外一個原因, 是想和大家談談明年2011年的流年飛星, 也想多些時間看書, 還要回覆網友的風水問題等等.
07/25/2010 10:56 pm
賞澄很配服月令比刧的人, 因為, 他們是真辛苦.
與屋企感情人淡薄, 所謂六親無靠, 事事要親力親為, 不能假手於人, 無人幫到手. 而且, 往往為朋友家人平輩付出, 不求回報. 尤其月令比肩, 為人公平正直, 但因為咁, 太講原則, 共靠實力, 不愛打關係, 不走捷徑, 凡事講求平等, 心地又善良, 更加辛苦.
月令刧財星就現實得多, 以自己利益行先, 凡事一馬當先(如果與自己有關), 有餘力才會幫人, 亦較自我.
但日主如果是陽干, 月令刧財(刃), 過剛則易折, 運程易大上大落, 身體亦易捱壞和生意外.
好在, 月令比刧, 好多時大運都是先苦後甜.
也好在, 月令比刧, 以身強的人居多, 夠捱得. 在其他人眼中的奔波勞碌, 在他本人只是慣常.
今晚在此祝福所有月令比刧的人, 苦盡甘來, 身體健康, 付出得到回報.
07/19/2010 03:04 pm
於 19/7 留言版留言的a字頭男網友, 抱歉賞澄不會免費為個別網友看八字, 但見你靠自己白手成家, 個性公平正直, 就贈你一句:
先苦後甜, 苦盡甘來, 姻緣當然仲會有, 不用擔心, 將來會幸福的. 如有機會再結要結, 不要怕, 但起碼到35歲先好.
係咁多, 再問就要收費囉.
07/18/2010 06:40 pm
想以八字角度談談感情問題.
就八字來說, 有很多方面是既定的, 例如:
1) 有冇異性緣, 多不多人追求, 自己會不會接受;
2) 男友/丈夫對自己好唔好, 有冇幫助;
3) 適不適合拍拖或結婚(有些人只適合拍拖或同居, 不適合結婚);
4) 姻緣發生的時間(早婚/遲婚/冇婚/離婚/婚外情);
5) 伴侶的性格;
6) 與男友/丈夫的感情是否恩愛, 丈夫是否容易被其他人"合"去.
雖然有很多條件是已設定, 但不用看得太灰. 因為, 命運是先天的, 但都有點"走盞位". 所以我經常教人"順應"大運和"順應"命局。
例如, 八字見到丈夫不是財星, 整定結婚後仍要工作, 不代表家景不富裕. 幾有錢都可以選擇繼續工作, "公一份婆一份", 即使有錢不用工作, 都代表成為家庭主婦後會好忙, 事事勞心. 所以, 選擇權在自己, "應命"就得.
又例如, 八字顯示不適合結婚, 可以選擇低調結婚(唔好比人知, 唔好擺酒), 如果婚後各有各忙周圍飛, 聚少離多, 就不需要擔心.
實際例子, 上星期, 一位小姐很不開心地問賞澄, 是否拍拖的對象是"整定"的(筆者即時想, 莫非她次次都遇人不淑?) 筆者答: 對象的類型是既定, 例如你與屬金的人有緣(即紀律部隊、黑社會、 大隻佬、武職、整容醫生、 刑事律師), 每次與你拍拖的, 都會是屬金或金旺的男仕. 因為緣份就像磁場般互相吸引, 與那類人有緣, 身邊就會經常出現。 所以你的對象, 可以是個警隊高官, 也可以是個社團人仕. 八字不會註定你下嫁邊一個, 是好是壞, 都是自已一念之差!
07/17/2010 02:20 pm
所謂同人唔同命,不是每個人買樓都會有錢賺的.
如果買樓自住, 咩價錢買都冇所謂, 點都賺左住.
但如果買樓是投資, 就要注意. 人家發達致富的方式, 未必會適合自己.
那些人可靠買賣樓宇致富?
1) 土是用神或喜神;
2) 土是財星, 財是用神;
3) 土非忌神
4) 行緊好運
其實每一項投資, 都涉及機會成本(opportunity cost) 及風險. 風險的承受能力及取向是每人不同.
例如, 身弱忌財, 土為財星, 官殺旺, 怕財破印, 這情況一定不宜買樓投資. 這類人, 賞澄知道有個真實的例子. 他買樓賣樓幾次都是由自住變投資, 雖然每次都有賺錢走, 但每次看樓市的時機不準, 賣後總是樓市再上升, 於是不單賺少了, 賺到的錢, 也追不上樓價升幅, 減去租金付出, stamp duty, 裝修, 代理 commission 後, 可說只是打個和. 反過來說, 如果第一層樓沒有賣出至今, 所得的升幅, 比起多次買賣還要多!
可惜, 這類人雖明知土為忌神, 但身弱官殺旺, 好勝心強唔認輸, 不接受別人意見, 所以再地產投資上永遠得不償失.
07/15/2010 12:54 pm
男八字:
1) 官殺無氣, 唔會太多干涉, 不會大男人, 更唔會打老婆;
2) 日主天干合財, 但八字忌財, 於是同另一半感情好, 孤寒自己, 但又唔鐘意錢, 交晒比老婆;
3) 身弱耳仔軟
女八字:
2) 官殺是用神, 身不弱;
3) 自坐財星/夾萬, 財為用神, 支中人元有官殺; 老公一定比晒錢自己洗;
4) 日主合官星(月干); 兩口子感情好, 又不怕有人搶, 就算爭都會爭嬴
07/15/2010 12:05 pm
1) 太多比刧, 仲係忌神, 朋友借錢永無 say no, 仲係唔還果隻, 做佢女友就好慘;
2) 屬金或魁罡格, 超級講義氣, 但只對朋友兄弟, 做佢女友老婆無著數;
3) 男人自坐有"夾萬", 但財係忌神, 超級孤寒, 但唔會益女友老婆;
4) 多官殺, 身弱無幫扶制化, 大男人小氣專制多事多病, 事業難成功;
5) 財係佢用神, 女友老婆旺佢, 即係一定要幫佢捱!
希望各位女網友既另一半無以上問題, 一樣都無…
07/15/2010 11:01 am
最近, 賞澄推廣緊以 email 看八字. 收費較平, 唔需要約見面, 客人私隱保障大, 仲唔駛等咁耐.
有一對男女客人電郵八字, 特點是:
男的:
沖妻宮, 感情關係一生不穩定;
刑父母宮, 一出世後父母就越多爭執;
女的:
刑夫妻宮, 想法負面, 成日認為丈夫有機會出軌, 將來會離婚, 易有情緒病
當一看小朋友八字, 一個似爸爸, 一個似媽媽, 有晒以上問題.
07/14/2010 01:02 pm
可能是由於在各種媒體上常常提及, 可儲到錢(現金)的人, 八字都有個"夾萬", 令好多人以為, 單單有財的墓庫(夾萬), 就可以剩到/儲到錢.
世事又點會咁簡單. 記得賞澄師傅在某報章專欄上曾提及某些自坐財的墓庫的人利於儲錢, 觀點是完全無錯. 但因為報紙篇幅有限制, 加上該為趣味副刊專欄, 非學術討論, 故此並無列出以下各項假設.
八字有個"夾萬"的確有機會儲刑錢, 不過有好多條件要符合到, 缺一不可(希望賞澄無遺漏.., 如有會後補).
1) 八字冇刑沖, 尤其無沖財/財的墓庫.
2) 無比刧爭財.
3) 身旺
4) 財是用神, 不是忌神
5) 無傷官+偏財
6) 當然要有財/財的墓庫, 最好仲係近日主.
但世事無絕對. 永遠有利有害.
有"夾萬"都有壞處, 再續.
07/14/2010 12:30 am
網友都喜歡問: 『點樣化解?』
就談談八字的『化解』方法.
先要明白, 人運之中, 命和運(指大運)不能改(不計人為的方法).
1) 命 – 先天性格, 優點缺點, 家底背景, 身強身弱, 大部份與遺傳有關. 是未出生已決定的, 無權選擇, 無法改變, 是一種局限.
化解方法:
- 改變思想性格
例如, 八字天生是固執硬頸辛苦命, 就後天去改, 學"珍惜感恩"、 學"捨得"、 學對人有"同理心", 降低對人要求, 學習接受他人意見, 不要死顧面子. 心胸闊自然人緣好, 想得通自然少壓力, 人開心, 少病痛, 運氣一定好轉.
- 防範未然
例如, 看八字知先天體質有問題, 可多加注意該方面的健康和保障.
2) 運 – 大運/流年運無得改, 好運衰運, 是排程, 既定了的, 一定會來.
化解方法:
- "應"運:
即是用自己方法來"演驛"大運/流年運. 行破財運, 不要坐以待斃, 主動去買實物投資, 將現金洗光變資產;
- 借助風水力量(借地運).
- 讀書/宗教
- 多做善事, 種善因, 得善果.