用八字請人?
星期二, 六月 15th, 201006/15/2010
好多老闆, 都信八字, 會用八字去請個旺自己的人.
通常用來睇個性, 睇下係咩 post, 想請 sales & marketing (銷售) 人員, 會找個財旺既; 想請秘書, 找個做事細心又忠心又唔剋老細的. 身弱的無咁硬頸, 身強會有主見. 但最緊要, 一定不可以行緊剋老細的大運或流年.
如果員工流年剋老闆, 老闆自己又犯流年, 加埋風水問題, 易有官非、損傷、意外大病, 生意亦有問題.
Archive for the ‘子平八字’ Category
女子財多身弱的八字
星期一, 六月 14th, 201006/14/2010
上星期做了一個財多身弱的八字. 客人是無做野, 只湊小朋友.
特點是八字身弱財多, 自坐丈夫財星.
女子自坐財星, 的確是老公俾錢佢錢, 唔駛做都有錢.
但老公不是用神, 對佢冇幫助, 出糧的錢是俾晒老婆, 但經老婆手洗晒, 全部是為頭家. 有得洗, 冇得儲.
自已身弱受唔起財星, 天干比刧爭財, 一有錢, 就病, 一係屋企人有事, 又係冇錢儲.
結婚後行財運, 財運變窮運, 荷包永遠冇多餘錢.
綜緩冇佢份, 因為老公其實都算搵到. 但, 一個家庭開支大, 永遠冇錢剩.
中晚年行辛苦個人力量運, 即係錢會得來不易, 有朋友家人助力, 都好過行財運, 生活有改善, 即係話, 晚年會靠子女養. 晚年沖刑健康, 其中原因是後生時冇好好調理. 中年水火相沖, 但死頂捱過就算, 冇好好休息.
好在八字身弱, 個人冇咩要求, 易滿足, 但求一家齊齊整整. 合夫星, 同老公感情好好. 子女是用神, 雖冇錢, 但一家其樂融融.
八字行貴人運最好, 但一生都行不到, 只行到比刧同食傷運. 好在食傷運, 子女聽話令自己開心, 子女都算用神, 不過格局不夠貴氣, 所以一生冇權力.
八字最常問的問題-性格(二)
星期一, 六月 14th, 201006/14/2010
從八字知道了性格, 其實是很有利.
1) 交朋友 – 不會被表面性格騙到.
2) 工作 – 知道同事/下屬性格, 可知人善任, 利合作, 可提高成功率.
3) 結交異性 – 不需要迫男朋友/女朋友玩"心理測驗"就知佢咩內心性格.
4) 事業發展 – 知道自己性格的優點缺點, 易於找出適合自己職業.
5) 子女 – 因應子女性格長處因材施教.
八字最常問的問題-性格
星期一, 六月 14th, 201006/14/2010
可以分析到先天性格: 優點缺點, 表面及內在性格, 從少到老的性格改變, 性格會引起的問題.
準確度極高, 有9成以上.
表面性格, 有時同內在性格, 差好遠.
表面可以循規蹈矩, 好正直善良, 但原來內在性格, 好勝記仇, 自私自利.
賞澄最怕和這種人打交道.
八字最常問的問題-性格
星期日, 六月 13th, 20106.13.2010
可以分析到先天性格: 優點缺點, 表面及內在性格, 從少到老的性格改變, 性格會引起的問題.
準確度極高, 有9成以上.
表面性格, 有時同內在性格, 差好遠.
表面可以循規蹈矩, 好正直善良, 但原來內在性格, 好勝記仇, 自私自利.
賞澄最怕和這種人打交道.
八字收費例子-八字詳批
星期六, 六月 12th, 20106.12.2010
以下是客人兒子八字(不公開生日), 是舊識, 故不介意公開。
| 偏印 | 日 | 食 | 剎 | ||||
| 丙(火) | 戊(土) | 庚(金) | 甲(木) | ||||
| 辰(土) | 辰(土) | 午(火) | 申(金) | ||||
| 肩 | 戊(土) | 肩 | 戊(土) | 印 | 丁(火) | 食 | 庚(金) |
| 官 | 乙(木) | 官 | 乙(木) | 劫 | 己(土) | 才 | 壬(水) |
| 財 | 癸(水) | 財 | 癸(水) | 肩 | 戊(土) | ||
| 76歲 | 66歲 | 56歲 | 46歲 | 36歲 | 26歲 | 16歲 | 6歲 |
| 戊(土) 寅(木) |
丁(火) 丑(土) |
丙(火) 子(水) |
乙(木) 亥(水) |
甲(木) 戌(土) |
癸(水) 酉(金) |
壬(水) 申(金) |
辛(金) 未(土) |
1) 八字日主屬戊土, 是乾土, 山丘之土.
2) 火炎土燥, 喜日、時支辰土, 泄火潤土, 配合年支申辰半合水局, 發水之源.
3) 一生五行喜金、水, 忌火、土. 木亦可用, 木主貴氣權力地位.
4) 月令正印, 天性心地善良, 仁慈厚愛、孝順父母、 求知慾強、 相信宗教, 深信冥冥中自有主宰.
5) 表面性格: 天干食神制殺, 愛思考有研究精神, 好勝愛與人競爭, 愛表現自己亦有表演天份, 有領導才能易得到名聲。
6) 內心性格: 地支印制食神, 日時比肩, 心地好但口硬心軟炮仗頸, 重視信用, 多平輩朋友, 對朋友慷概大方, 鐘意做"大佬".
7) 表面上精明強悍, 內心大方正直易受騙, 一生易被朋輩拖累或為他人付出, 多不同興趣及嗜好, 但亦易虎頭蛇尾, 做事三分鐘熱度.
讀書時期容易得到名聲、 易吸收, 表達力強, 但會給自己壓力; 如不加宣洩, 易突然發脾氣, 但轉頭又會忘記, 有阿Q精神安慰自己.9) 一生多貴人, 多朋友、平輩之助, 不需花很多氣力就獲得成功機會.
10) 少年時行驛馬運,17歲至34歲有機會到外地讀書或工作, 出門多遇貴人(好朋友, 好老師, 好老闆).
11) 16歲開始入大運, 60年好運, 只是36-45歲甲戌年較差. 16歲-25歲食神生財, 拱水局, 很早已靠頭腦出名搵到錢.
12) 36歲前, 會做用腦度橋策劃的工作, 如政府工或與金錢有關工作, 要多與其他人接觸的, 因表達力強及溝通能力強. 搵到錢, 但亦會不停洗錢, 購物慾強.
13) 26至35歲傷官運, 有投資運, 突然愛上投機賭搏, 會有偏財運, 但宜以小搏大, 見好即收, 勿沈迷, 否則運過即止, 甚至打回原形. 宜將偏財買實物長線投資.
14) 一生財旺, 但亦易因朋友平輩破財, 不易儲現金, 宜買實物保值, 如股票、基金、黃金、名錶等等屬金屬水的投資項目.
15) 36歲後十年會轉做管理及行政有關工作, 工作量大, 壓力大, 辛苦, 是辛苦個人力量得權運.
16) 36歲後十年心態由投機轉變為靠辛勤工作累積財富, 但仍儲不到錢, 而且工作/升職機會多被平輩朋友同事奪去而不得志.
17) 36歲起十年驛馬運, 工作上有很大轉變, 多走動或轉職, 或要到外地工作.
17) 一生多財多桃花, 多異性緣份, 早拍拖. 日、 時地支相刑, 宜選不正常姻緣, 即女方年紀比自己大, 曾離婚, 或異地姻緣.
18) 16歲至25歲己有結婚機會, 但早結會早離婚, 遲婚較好.
19) 妻子是用神, 結婚後錢運有改善. 妻子性格節儉愛財, 客人兒子會被佢"刧"財, 但妻子亦願意為丈夫付出, 是客人的兒子剋妻.
20) 36歲起十年天剋地沖日柱及沖時支, 工作及家庭壓力大, 情緒困擾, 因朋友問題經常與妻子爭執, 感情出現變化. 自己有暗桃花運, 亦旺了妻子的桃花, 有很大機會離婚.
21) 46歲起廿年好運. 首十年天干官殺混雜, 地支亥水偏財運, 好運重來, 性格又一變為進取積極, 與金錢有緣份, 利官近貴, 快發, 亦可做生意. 56-65歲申子辰合大水局, 會有大筆財富, 舒服得財, 錢財上貴人是女性.
22) 66歲起十年有名氣地位運. 有暗財.
23) 賺錢多, 洗錢多, 不宜儲錢, 不停買實物投資, 但買樓不會有大錢賺(忌土), 自住樓宇宜近海, 選低層較好.
24) 46歲起廿年財運, 桃花不斷, 會有一段新的感情出現, 宜低調不張揚.
25) 八字陽剛, 日時地支相刑, 不利子女。 但子女與父感情好, 與母親緣份較薄. 性格孝順, 古靈精怪, 帶財星. 易有BB年包括: 犯太歲年(虎年、猴年、蛇年), 沖子女宮年(狗年), 刑子女宮(龍年). 36歲後廿年與子女關係較親密。
八字問感情例子
星期五, 六月 11th, 20106.11.2010
有女性客人問八字, (只問感情):
| 劫 | 日 | 傷 | 財 | ||||
| 丙(火) | 丁(火) | 戊(土) | 庚(金) | ||||
| 午(火) | 巳(火) | 子(水) | 申(金) | ||||
| 肩 | 丁(火) | 財 | 庚(金) | 剎 | 癸(水) | 財 | 庚(金) |
| 食 | 己(土) | 劫 | 丙(火) | 官 | 壬(水) | ||
| 傷 | 戊(土) | 傷 | 戊(土) | ||||
| 71歲 | 61歲 | 51歲 | 41歲 | 31歲 | 21歲 | 11歲 | 1歲 |
| 庚(金) 辰(土) |
辛(金) 巳(火) |
壬(水) 午(火) |
癸(水) 未(土) |
甲(木) 申(金) |
乙(木) 酉(金) |
丙(火) 戌(土) |
丁(火) 亥(水) |
八字金水旺, 本身有姿色, 條件不錯, 愛打扮.
多人追求, 但性格太感性, 思前想後, 不敢接受人家感情, 細膽驚青, 會錯過桃花.
此八字拍拖男友對自己冇幫助(即男友對自己唔好), 但夫宮是財星(老公對自己好), 結婚好過拍拖.
流年逢 2字尾3字尾是桃花年, 逢豬年鼠年龍年有機會遇上真命天子.
現時未有拍拖, 問有冇機會? 2010年犯太歲有機會拍拖; 2012年壬辰年, 天剋地沖月柱, 官星來沖我再三合官局也由長輩造就機會拍拖, 2013年癸巳伏刑日柱可結婚.
結婚後老公會比錢佢洗, 財旺生官自己也旺老公. 但一生多比刧, 易旺老公桃花, 好在八字結構無刑剋夫妻宮唔會行離婚運, 只是41歲後10年剋夫與老公聚少離多較好.
行財運
星期三, 六月 9th, 20106.09.2010
行緊財運, 一般人只知"會有錢". 正確來說, 行財運是與錢很有緣份, 經常會有錢過手(大銀碼). 所以行財運的人會突然轉做 sales & marketing, 或做與錢有關的職位或行業. 如果是打工仔, 財運也是旺老闆運. 如果女性沒有工作, 沒有上司, 於是就旺了丈夫. 所以女人行財運也是旺夫運.
如果行財運, 一定要"洗錢", 不要儲蓄. 錢, 是越洗越有。 因為與錢有緣份, 洗了也會再回來, 所以應該多去旅行 (去借地運, 旺自己的地方), 多買有價值的資產.
行財運也有分好運和衰運, 行衰的有錢運, 會變得愛賭搏, 但十賭十輸, 容易破大財, 也會易生病洗大筆醫藥費, 或者被家人、朋友出事所拖累而破財(但一定是自己心甘情願地付出, 還會很阿Q地告訴自已: "唔幫唔得"). 化解方法? 洗錢、洗錢、再洗錢. 與其如何儲蓄也會破財, 不如用來買實物資產、 讀書、結婚生仔, 行善捐獻…
懶人運
星期三, 六月 9th, 20106.09.2010
賞澄行緊懶人大運…係好運定壞運? 視乎自己點睇…
懶人運的特點:
不想工作(我以前唔係咁), 成個人都懶洋洋, 會不由自主想去讀書，也會遇上好老師, 同長輩上司年長女性有緣份, 如拍拖就會認識比自己年長得多的異性.
各位如果今年都有咁既特徵, 可能行緊流年懶人運(好聽係叫貴人運).
行緊好的"貴人運"就唔駛做都有錢洗, 行緊差的"懶人運"都係唔洗做(因為易被 layoff 炒魷)….
命? 運?
星期二, 六月 8th, 20106.08.2010
所謂"一命二運三風水, 四積陰德五讀書", 賞澄覺得命好不如運好.
命好, 但冇運行, 一生不得志, 無法發揮所長, 有錢有權也不會開心. 運好, 一生運程有進步, 人生才有希望.
風水是有幫助。 行善和讀書也是可以改運而不會有任何"副作用"的方法(不過只一定程度)。 性格決定命運, 賞澄希望算過八字的網友, 知道自己的長處和短處在那, 要"的起心肝"去改, 一年未改到, 就兩年, 三年… 到改到為止. 雖然要付出很大努力, 但受用終生