澄網

07/15/2010 12:31 pm

朋友的兒子病了, 細問之下, 原來是犯了:

開門見床(打地舖), 床的方向和門向一樣, 於是一開房門沖正兒子;

床頭的位置對上, 是牆, 但也是窗;

窗外有動土

07/15/2010 12:05 pm

1) 太多比刧, 仲係忌神, 朋友借錢永無 say no, 仲係唔還果隻, 做佢女友就好慘;

2) 屬金或魁罡格, 超級講義氣, 但只對朋友兄弟, 做佢女友老婆無著數;

3) 男人自坐有"夾萬", 但財係忌神, 超級孤寒, 但唔會益女友老婆;

4) 多官殺, 身弱無幫扶制化, 大男人小氣專制多事多病, 事業難成功;

5) 財係佢用神, 女友老婆旺佢, 即係一定要幫佢捱!

希望各位女網友既另一半無以上問題, 一樣都無…

07/15/2010 01:35 pm

如今年三碧星在大門口會點?

1) 家中各人易多爭執;

2) 工作不順, 與人多磨擦, 公司不和諧, 有小人"篤背脊"

3) 無論公司屋企, 均有是非, 小至抄牌, 大至官非上身

一定準.

07/15/2010 01:08 pm

1.我間書房對住刷所,不過就想轉個書房為睡房,請問有乜要註意?
2.整釣櫃響床上面有無問題?
3.我下一個BB想生男仔,有無咩野要加響屋內／要註意?

陸賞澄覆:

1) 廁所門不能對住房門;

2) 吊櫃在床上易自製橫樑壓頂, 可免則免。無可避免, 做櫃時就要做到同張床一樣大的平面, 變成天花矮了, 但不是橫樑; 如想要小朋友, 都不宜睡在有吊櫃的床下.

3) 屋不能是損財傷丁, 睡房/睡床/大門不宜在凶位或在五黃二黑病位, 室內外/窗外不能有動土. 吊燈不要在睡床正中間.

如催旺今年2010喜慶位西北方, 一定要肯定家中西北方不是病位先可以. 如日主八字如不要火, 亦無咩用.

八字/風水可以催旺生子, 但要按個別情況佈局.

續答:

如果廁所門一定對房門, 無法避免, 第一要常關廁所門及房門, 保持廁所乾爽; 另外在廁所門兩邊各吊一盤泥種植物如黃金葛等化解. 但不代表問題已完全解決, 某些條件下會有機會引發問題(個別例子風水八字可算出最有可能發病/出事時間).

主要的問題是: 膀胱泌尿腎臟排泄系統問題, 夫妻間問題(不正常桃花)等等.

07/15/2010 11:01 am

最近, 賞澄推廣緊以 email 看八字. 收費較平, 唔需要約見面, 客人私隱保障大, 仲唔駛等咁耐.

有一對男女客人電郵八字, 特點是:

男的:

沖妻宮, 感情關係一生不穩定;

刑父母宮, 一出世後父母就越多爭執;

女的:

刑夫妻宮, 想法負面, 成日認為丈夫有機會出軌, 將來會離婚, 易有情緒病

當一看小朋友八字, 一個似爸爸, 一個似媽媽, 有晒以上問題.

07/14/2010 01:02 pm

可能是由於在各種媒體上常常提及, 可儲到錢(現金)的人, 八字都有個"夾萬", 令好多人以為, 單單有財的墓庫(夾萬), 就可以剩到/儲到錢.

世事又點會咁簡單. 記得賞澄師傅在某報章專欄上曾提及某些自坐財的墓庫的人利於儲錢, 觀點是完全無錯. 但因為報紙篇幅有限制, 加上該為趣味副刊專欄, 非學術討論, 故此並無列出以下各項假設.

八字有個"夾萬"的確有機會儲刑錢, 不過有好多條件要符合到, 缺一不可(希望賞澄無遺漏.., 如有會後補).

1) 八字冇刑沖, 尤其無沖財/財的墓庫.

2) 無比刧爭財.

3) 身旺

4) 財是用神, 不是忌神

5) 無傷官+偏財

6) 當然要有財/財的墓庫, 最好仲係近日主.

但世事無絕對. 永遠有利有害.

有"夾萬"都有壞處, 再續.

07/14/2010 12:30 am

網友都喜歡問: 『點樣化解?』

就談談八字的『化解』方法.

先要明白, 人運之中, 命和運(指大運)不能改(不計人為的方法).

1) 命 – 先天性格, 優點缺點, 家底背景, 身強身弱, 大部份與遺傳有關. 是未出生已決定的, 無權選擇, 無法改變, 是一種局限.

化解方法:
- 改變思想性格
例如, 八字天生是固執硬頸辛苦命, 就後天去改, 學"珍惜感恩"、 學"捨得"、 學對人有"同理心", 降低對人要求, 學習接受他人意見, 不要死顧面子. 心胸闊自然人緣好, 想得通自然少壓力, 人開心, 少病痛, 運氣一定好轉.

- 防範未然
例如, 看八字知先天體質有問題, 可多加注意該方面的健康和保障.

2) 運 – 大運/流年運無得改, 好運衰運, 是排程, 既定了的, 一定會來.

化解方法:
- "應"運:
即是用自己方法來"演驛"大運/流年運. 行破財運, 不要坐以待斃, 主動去買實物投資, 將現金洗光變資產;

- 借助風水力量(借地運).

- 讀書/宗教

- 多做善事, 種善因, 得善果.

07/13/2010 11:34 pm

算得上是最易解決的風水問題之一.

不用的時間蓋上(例如拉上布簾)就可以.

07/13/2010 10:05 pm

留言問:

『請問屋對面起緊樓,對家人有冇影響?如有可以點化解?

掛個八卦係門口得唔得?』

賞澄答:

見到動土一定要有影響, 但影響程度要視乎屋對面是何方位. 如果剛巧是五黃二黑太歲位等就嚴重.

2010年: 五黃 = 西南方, 二黑 + 太歲 = 東北方

如果是由窗外望到動土, 一般可用以下方法:

1) 關窗;

2) 窗上貼銀色反光玻璃紙;

3) 落窗簾;

4) 放針葉植物在窗前擋煞

以上只是一般情況, 其實每個個案會有不同.

至於網友說的放八卦要視乎情況, 因怕稍一不慎放錯八卦類別, 弄巧成拙, 亦怕亂放影響別人單位.

風水忌損人利己.

07/13/2010 06:00 pm

網友問: 現在我的單位正在裝修, 請問大門口在五黃二黑位, 向東北…有沒有任何解決辦法 ?謝謝

賞澄答:

如果沒有理解錯誤, 你的單位已在裝修中.

首先要視乎裝修的程度和動土的方位.
1) 你家大門向東北方, 如果大門口也是全屋的東北方而又有裝修工程進行, 是有問題;
2) 或者, 你家大門向東北方, 東北方是否有其他人的工程在進行中? 如果是, 又有問題.

家中裝修有很多宜忌, 一般建議須擇吉日開始. 今年2010東北方為二黑細病位, 也是太歲位, 忌動土, 要裝修亦應由旁邊正東位開始, 不要直接第一時間在二黑位動土(當然也要避開五黃位).

另外, 也應注意裝修會否影響屋運, 例如由七運樓變成八運樓. 因為怕由好運變壞運.

此外, 最安全的情況, 是在決定裝修前檢視一下家中各人的八字, 今年有否沖犯太歲, 以作相應的預防措施, 包括慎防那方面疾病或有可能發生月份等等.

如果你的單位已在裝修中, 又犯上以上的忌處, 建議完成前(包括清理所有什物垃圾)暫時搬離單位, 完成後再擇吉日搬回.