5.04.2010
七運和八運其中一個根據, 是入伙時間上的不同. 七運是指1984-2003入伙, 八運是指2004-2023入伙. 但如換左爐或換大門, 亦有機會當左重新入伙而轉了屋運. 有些單位在七運時好, 可能轉成八運時不好, 亦有可能單位在七運時損財傷丁, 八運時轉成旺財旺丁, 要量度才知.
換爐是指成個爐咁換(舊換新), 與它的擺放位置沒有關係. 如在 2004年立春後已換過煮食爐, 有機會已轉成八運屋了.
一旦換爐或換門時, 有可能連屋運也轉埋, 要上門量度單位座向才能知七運變八運是好是壞.
如果本身住得好好, 不想轉成八運, 但又一定要大裝修, 唯有試試不要換煮食爐和不要換大門/不要油大門/不要換主人床. 但即使如此, 賞澄也不能保証唔轉八運,
4.10.2010
如果有錢, 賞澄都會選向海或向水池的樓, 因水為財也. 海洋、 湖泊、 泳池水池是明水, 而馬路、 廣闊空曠之地, 也是水.
水有好壞之分. 好水旺財聚財, 壞水損財無聚. 由門外或窗外望出, 水由淺至深(例如海邊先見沙灘, 水深由淺至深)的是好水, 為有情之水. 但如由門外或窗外望出沒有任何岸邊或沙灘緩衝, 屋前或樓前已是深不見底的水, 是無情水, 是壞水, 也稱為『鎅腳水』.有情水指水必須由外面流向自己的一方, 水勢要緩勿急, 忌波濤凶湧. 宜風平浪靜. 海面上宜有小島或建築物阻緩水勢, 不要茫茫大海; 無情水則是指水由自己一方流出向外.
如馬路的反弓水, 也是無情水的一種.
4.10.2010
有時, 賞澄會想起師傅和他們對玄學的才情. 不過賞澄比較內歛, 少與人交際, 更少與師門聯絡. 好在, 賞澄經常可在不同的現代媒體上看到師傅的最新動向. 其中一位近年成為媒體的寵兒, 不單談玄, 也與人分享美食之道, 旅遊之道; 另一位則愈見低調, 修為也越來越高, 近年更留了把將近及肩的長髮. 一位風趣幽默, 玩世不恭; 一位沈默少言, 但言必有物.
但賞澄每次想起的, 不是他們在媒體上的談笑風生, 也不是他們每年預測的流年運程, 或者預測股市升跌的答案, 而是他們在課堂上無私傳授的臉. 記得在學習商業管理的第一堂, 教授入課室後劈頭的第一句是: 『你們今天戴上了幾頂帽子?』 像賞澄, 平日面對客人是顧問, 面對下屬是上司, 面對朋友是平輩, 面對長輩是晚輩, 面對老師是學生….每個人每天不也是戴上了不同的帽子? 雖然, 賞澄身邊的朋友客人老是喜歡談及師傅在娛樂圈(不是玄學圈)的事事非非, 但在賞澄的腦海中, 師傅永遠都是手執教鞭, 循循善誘的那張面孔, 永遠歷久常新.
賞澄永遠會謹記兩位的教導: 不能以玄學知識害人。 無心之失是為過, 存心犯法是為惡, 要謹言慎行。
4.10.2010
八字解讀一個人聰明與否, 有很多層面. 人可以是表面好似好聰明, 講咩都識,但原來內在是個草包(冇料). 有人唔識表達, 但原來滿腹經綸(教授都未必識教人). 有些人好有求知慾, 但叫佢拿起本教科書慘過殺頭. 仲有些聰明得來唔肯讀書, 但少年時偏偏好命有”符碌”讀書運, 每次都 pass. 仲有些小時候冇機會讀大學, 但中年有學習運重拾書卷. 八字就是如此有趣, 可以解讀一生.
4.09.2010
有時, 賞澄覺得自已似爛尾樓的承包商, 多過似提供風水八字顧問服務。
客人上一次睇風水時, 師傅通常都無圖, 無解釋, 無原因, 淨係識叫人呢度放個屏風啦, 果度掛排銅錢啦, 改左度開門位啦, 又唔講明有限期, 又無售後服務. 大佬, 改門改設計唔少錢, 點可以只憑你一句, 睇醫生都要話比個病人知唔醫有咩問題.
客人唔敢又唔識問, 過左一年之後就唔知點算, 風水物件又唔敢取走, 有時不單止唔配合間屋設計, 阻地方, 最慘就係因為風水物件到第2年已不適合放置, 該方位由無事變成有事, 都幾無辜.
於是每次賞澄上到客處, 第一件事唔係擺局, 而係叫佢地丟晒 d 過期野, 成個衛生幫咁.
其實玄學工作者有責任從客的角度出發, 今時今日, 唔係口"up up"講完就收錢走人.
客人幫趁你有信心, 先會再介紹其他客俾你.
4.09.2010
八字可以看出人是適合打工定適合創業. 行緊好運宜自己做老闆, 否則, 幾好生意都係幫人作嫁. 行緊衰運當然要打工, 穩穩陣陣, 靜待時機.
4.09.2010
雙眼皮的人性格較外向, 擅於表達自己內心所想, 語言表現力強, 感情豐富, 無機心, 有想像力, 人緣好, 也較易有異性緣, 但較易信人, 說話也較多.
單眼皮的人較內向, 性格內歛, 凡事只自己解決, 不輕易流露內心感情, 不擅詞令, 較少與人交際應酬, 朋友較少, 保密性較強, 不輕易信人.
4.09.2010
人有外在的表面性格和內在的潛在性格。
八字可以看到一個人先天遺傳自父母的性格, 內向定外向, 是否聰明, 自我定係順得人, 先想自己還是無私奉獻, 有冇表達能力, 天生有權定無權, 係咪懶人, 全部都可睇到.
4.09.2010
賞澄一向唔贊成買樓自住的朋友買樓花, 因為冇現樓睇. 以前起樓, 實用面積大唔在講, 仲要每個單位都是『四四正正』。
1) 風水角度來說, 單位要『四正』, 最好係長方形. 儘量避免『缺角』, 缺角即係有部份缺少左, 視乎缺少部份屬邊種同大小.
財位缺角: 難搵到錢, 亦難聚財.
桃花位缺角: 人緣唔好, 難升職(不用與人接觸的職業除外), 未婚者缺異性緣
2) 大門對廚房門: 有關疾病 – 心、血、 神經、 血管、眼、皮膚病. 住者脾氣會較暴燥, 沒有耐性, 多是非.
3) 大門對廁所: 有關疾病 – 腎、 膀胱、 泌尿系統、 排洩、生殖器官. 住者易漏財, 財來財去財難聚.
4) 廚房門對廁所門: 水火相沖, 風水大忌. 有關疾病 – 心、血、 神經、 血管、眼、皮膚病; 腎、 膀胱、 泌尿系統、 排洩、生殖器官. 尤其女主人易心情煩燥, 精神緊張, 易與人爭執, 多是非口舌, 夫婦感情易出現問題.
5) 廁所門對正睡床: 有關疾病 – 腎、 膀胱、 泌尿系統、 排洩、生殖器官. 如已婚者易有外遇(不分男女 ), 未婚者增強桃花運.
4.09.2010
小時候, 聽過別人話『你間屋咁亂, 財神見到你都走啦』, 原來都幾有 point。
風水講究『氣』的流動. 屋內有太多什物, 會妨礙氣的流通, 難以聚氣聚財。
話時話, 真係好少見到有錢人的家是什物如山, 多數是窗明几淨.