4.08.2010
身邊個個未婚女性都問點樣先可以嫁個有錢人. 不論這個心態是否正確, 想嫁個有錢人, 先要識得睇邊d係有錢人.
相信冇人第一次相識就問人年生八字起底, 一般都係睇面相.
男人要雙眼有神, 有決斷力同埋上進心, 係最重要既三十幾歲有運行.
眼珠大心地善良, 唔好選3白眼, 3角眼, 免得佢密底算盤精過鬼.
最緊要係鼻樑要夠高, 夠長, 夠直, 有肉。 起點越高越好.
識耐左, 仲可以留意佢隻掌。 掌色越白越容易少勞多得, 手掌多肉、 厚同埋軟就一定唔駛做.
有7-8成準.
4.08.2010
廁所門對正廚房門 (指的是兩度門要對到, 有些少重覆位都算), 如果是真的, 這問題比你之前問的都要嚴重. 水火相沖是風水其中一個大忌. 改到門向最好, 改唔到儘量唔好開住兩度門, 要常關, 另外在廁所同廚房門左右門框上均各自吊2盆泥種植物.
廚房對廁所冇問題, 但廚房門對廁所門就有問題. 想知有冇對住, 將兩度門開晒, 望下有冇門框內既進出位部份對到正咁重疊左. 即使有少少都不好(水火相沖). 要在門框的旁邊吊綠色泥種植物(最簡單係黃金葛, 吊盤好多地方有得賣, 係幾條繩吊住個花盤, 可用3M無痕掛鉤都夠力掛牆不用整花牆, 細細盤已可以. 佢地一定會死得快, 一死就要換過). 廁所及廚房門都要吊. 如門唔係左右兩旁都有位吊, 每度門起碼都要吊1邊.
最徹底方法是改門向, 令兩度門不會相對. 真係唔改得就儘量關上.
4.08.2010
一般情況, 一開大門見魚缸冇問題(進財), 但如大門對廁所, 再放魚缸在中間更加深動象, 反而增強了壞影響, 要搬走魚缸. 可改放一盆泥種綠色植物(不要有花, 只綠色植物, 不要仙人掌. 綠色植物選一般的大葉植物或長葉子植物即可).
4.08.2010
安忍水一般用來化病化煞 (鹽+銅錢, 但唔駛108個咁多, 賞澄自己用既都只係買2蚊粗塩+6個五毫子+半杯水喉水), 通常用來洩流年的病星, 如五黃(2009年在正北方), 二黑(2009年在正西方). 如果你的2樽真是用來化2009五黃二黑, 2010立春前就要拿走(過左了), 因年年的五黃二黑位都不同(會飛的才叫飛星). 2010的正北是4綠文昌星. 2010正西方是1白桃花星.
2010的五黃在正西南方, 二黑飛到了東北方.
4.08.2010
廁所門對住飯桌, 不論玄學角度或衛生角度, 最大影響當然是健康問題, 腸胃、 消化系統、 腎、磅胱、 生殖器官較易出現問題.
最徹底當然是改門向, 但這個方法成本較高. 簡單的方法是搬開飯桌. 記住廁所門一定要常關. 如地方不大, 以上兩樣都不可改動, 可考慮在飯桌與廁所之間放置一薄身矮櫃或小屏風(總之是用作遮檔的物件), 也建議在廁所門框上吊(或矮櫃上放一盤)一盤泥種綠色植物.
另外, 門對門要視乎是睡房, 廚房或廁所門. 如果單是睡房門對睡房門是沒有問題, 但如門開即對床或對窗就有問題.
4.08.2010
假設睡房在全屋的東北方和睡床也向東北方。 2010年飛星8入中, 東北是2黑細病位, 一般可放置金屬發聲物件(如音樂盒)來化病, 也有在房門口放灰地氈, 地氈底放6個五角, 打直4個, 上下2個, 如同十字.
4.08.2010
- 針葉(如仙人掌, 室內不宜, 可放室外), 擋煞用;
- 尖葉(長而尖型的, 如用作化大門對廚房此種亦可), 化煞用
- 大葉(如黃金葛), 聚財, 催財用
注意以上都是指綠色的植物, 而不是觀賞用的鮮花.
4.08.2010
有病當然先要睇醫生, 睇極唔好才可能是風水病, 望到有尖角, 要視乎咩角度, 如尖角面向正你窗好似插正你咁先有影響. 如果真係好似針咁插住你, 可落簾, 每個窗前放一盤植物, 再在每個窗前放一個針包, 無針既, 用來插針的淨針包.
以上的問題只是一般屋內間隔或擺設的常見問題, 但屋的風水是否真的咁差, 則要視乎外物, 屋坐向, 計算星盤, 流年5黃2黑3煞位等. 亦有可能是自己行緊衰運, 所以不能一概而論。
4.08.2010
假設大門與廚房門對到正, 如果不能改廚房門向, 廚房一定要有門, 不能只用布簾遮, 無門的話都要安裝番. 再在大門左右兩旁和廚房門左右兩旁各自擺放泥種植物, 但不要針葉植物
賞澄亦見過有些家庭的廚房門唔係兩旁都有位擺放植物(有時廚房旁就個大吊櫃), 只放一邊都可以, 但記住係大門同廚房門都擺. 這些植物會枯死得快, 死了要更換.
屋內如有種植物, 有枯葉要剪去.
4.08.2010
普通 apartment 式的單位看風水, 要看宅外景物, 大廈附近的路向, 配合個別單位的座向, 星盤、 流年飛星、室內間隔和佈置, 當然最好不要和宅中住戶本身的八字有刑剋, 因為風水的原意就是趨吉避凶。 雖然大門、主人房和廚房都是看風水非常重要的部份, 但不能單靠看廚房是否開放式便斷定是否風水出現問題.
一般開放式廚房的影響比普通(有門)的廚房要大. 如單位面積不太大, 通風抽氣不足, 用開放式廚房會令此宅"火"氣增加, 如屋主本身五行要火當然有助力, 但如五行忌火就減分或增災. 還要看廚房, 爐灶的位置和門向好不好, 廚房如在病位就不論是否開放式都易令宅中人生病, 如咁好彩只是某一年的病星飛到廚房就只該年有病. 對宅中人的影響一般順序是: 先是女主人, 後是老人家和小孩, 最後才是男性. 但如宅中某人有犯太歲或卦象有呼應的就容易先有問題(一般問題: 是非口舌、 腸胃病、 心血管病、 細菌感染、 工作多阻滯, 多勞少得等等, 但更仔細要看卦象, 不能一概而論).
其實賞澄也喜歡開放式廚房, 因個廳望落空間感會大些, 但我個廳無一千幾百呎咁大, 所以就算做開放式廚房, 都會用玻璃門/半磨砂玻璃來間隔火氣油煙…