澄網

4.08.2010

假設大門與廚房門對到正, 如果不能改廚房門向, 廚房一定要有門, 不能只用布簾遮, 無門的話都要安裝番. 再在大門左右兩旁和廚房門左右兩旁各自擺放泥種植物, 但不要針葉植物

賞澄亦見過有些家庭的廚房門唔係兩旁都有位擺放植物(有時廚房旁就個大吊櫃), 只放一邊都可以, 但記住係大門同廚房門都擺. 這些植物會枯死得快, 死了要更換.

屋內如有種植物, 有枯葉要剪去.

4.08.2010

普通 apartment 式的單位看風水, 要看宅外景物, 大廈附近的路向, 配合個別單位的座向, 星盤、 流年飛星、室內間隔和佈置, 當然最好不要和宅中住戶本身的八字有刑剋, 因為風水的原意就是趨吉避凶。 雖然大門、主人房和廚房都是看風水非常重要的部份, 但不能單靠看廚房是否開放式便斷定是否風水出現問題.

一般開放式廚房的影響比普通(有門)的廚房要大. 如單位面積不太大, 通風抽氣不足, 用開放式廚房會令此宅"火"氣增加, 如屋主本身五行要火當然有助力, 但如五行忌火就減分或增災. 還要看廚房, 爐灶的位置和門向好不好, 廚房如在病位就不論是否開放式都易令宅中人生病, 如咁好彩只是某一年的病星飛到廚房就只該年有病. 對宅中人的影響一般順序是: 先是女主人, 後是老人家和小孩, 最後才是男性. 但如宅中某人有犯太歲或卦象有呼應的就容易先有問題(一般問題: 是非口舌、 腸胃病、 心血管病、 細菌感染、 工作多阻滯, 多勞少得等等, 但更仔細要看卦象, 不能一概而論).

其實賞澄也喜歡開放式廚房, 因個廳望落空間感會大些, 但我個廳無一千幾百呎咁大, 所以就算做開放式廚房, 都會用玻璃門/半磨砂玻璃來間隔火氣油煙…

4.08.2010

第一: 睇左唔信的人

第二: 信左唔改的人

第三: 懶賭、 有不良嗜好, 例如有咭數過期永遠找唔晒的人

第四: 只記壞處, 不記好處的人

第五: 不敢面對現實的人

4.08.2010

其中被問得最多的題目之一, 是『我幾時唔駛做(即退休)?』

(發問的人有越來越年輕的趨勢, 賞澄今日內已被問了2次同樣問題.)

雖然從玄學角度可以有很多方法找到答案, 不過, 最簡單而且準確度甚高的, 是從面相看有沒有幫夫的面相特徵. 如果有, 就比較難唔駛做. 因為有幫夫命的, 即使不用上班, 即使家財千萬, 她們都會為丈夫子女勞心勞力. 如果凡事要親力親為, 不能假手於人, 試問又怎可能舒舒服服坐係度唔駛做? 所謂幫夫, 是你旺了丈夫, 但自己辛苦(可以是勞力或勞心), 與是否有錢無關.

幫夫的面相特徵包括鼻樑較低+兩顴高而有肉不露.

其次, 從掌而言, 如果掌色偏紅, 即使是帶一點點, 一撮撮的紅, 都是要親力親為的命, 也比較難下放工作由他人代勞.

賞澄的客人其實好多都有錢可以唔做, 但她們對己對人的要求大都很高, 樣樣事都看不順眼, 或嫌別人追不上自已的步伐, 覺得『慢慢教不如自己做』, 於是事事親力親為. 其實, 其他人的行為或想法我們改變不了, 能改變的只有自己. 要調節自己的心態, 不多計較, 多感激別人的付出和欣賞他人的長處. 當人容易滿足, 就容易從工作和生活中得到快樂. 樂此不疲, 退不退休都不重要.

4.08.2010

你買的是七運樓, 但如會裝修才入伙(要視乎裝修的程度和項目), 就有機會要用八運來計算.

很多情況下都有機會轉了八運樓, 例如轉了業權, 換了煮食爐, 換了大門, 重油天地牆或換床等. 當然, 要視乎改動程度或實際情況.

全屋大裝(參考之前賞澄定義), 很大機會以八運計算. 套師傅最鐘意的兩句話來形容『損財傷丁, 冇分仲要倒扣』.

不過實際有幾差, 要真正上門看過同計埋屋主八字先知.

當然有例外上山下水局唔衰的, 但要看埋宅外路向同地勢高低(太深入, 唔會係度講), 但只佔好少數.

如果一定會裝修, 一定會住, 可試下唔換所有既門, 唔好換煮食爐, 儘量少改動, 睇下可否保留到七運. 當然, 如你計過七運好過八運的話. 但都唔保証唔轉, 仍有可能因業權轉換已變八運都唔定.

如你係賞澄客人, 我會叫你唔好住(有話直說). 但事關重大, 建議你正式請個可靠的風水師看清楚, 因為最怕你自己度錯座向. 話晒有24山咁多, 好易錯.

坐坤向艮大部份是連茹屋, 損財傷丁, 搬入後會先甜後苦(即俾甜頭你, 壞事才接腫而來, 如接了生意以後得財, 後來卻被客人走數, 變成官非破財等). 當然有例外(騎龍格. 但是否就要現場看清楚先知)

如你聽左唔會影響心理, 可以當賞澄片面之詞不可儘信. 好多人唔信風水, 認為不科學, 他們就算因風水問題發生不好的事, 都會用其他角度去解釋, 但唔代表冇事發生過.

任何專業都要鑽研多時同埋有經驗, 因為專業同經驗可減低出錯既機會(人誰無錯?) 仲要不停繼續進修同與時並進. 賞澄到今日仍自覺在玄學學海中只係小一程度. 我不知你的程度如 何, 所以不會妄論. 但如你自己都無信心, 聽多些其他人意見是好的, (賞澄之前講過, 多聽人意見, 等於加入其他人的磁場中和自已的磁場). 賞澄唔敢話你量度錯座向, 可能你度啱左, 但巒頭理氣唔係淨計座向的. 任何有機會錯而後果嚴重的, 賞澄都要憑良心講出來.

你不是第一個我叫佢搬走或唔好再住的, 有些甚至是賞澄的親友呢 (早兩年佢地聽完唔開心, 不久真係賣左, 雖然係賺左錢走, 但當時冇即刻再買另一層, 只租樓住, 樓價之後仍係咁升, 但都冇辦法). 這些客人的八字, 大都是行緊好運的, 我相信是行緊好運, 所以與風水差的樓不合.

至於會唔會因為夾你即使風水不好亦冇影響, 我本人就不信. 差就係差, 唔合格就是唔合格, 如你行緊好運或者流年好運, 果一年就冇事, 但遇上差的流年便防不勝防.

差風水的屋夾到咩人? 我相信只會夾行緊衰運的人..你雖買左但識得問就代表運氣唔係太差…

以我所知, 八運旺西南見水. 大門開西南, 同你間屋座坤向艮(座西南向東北)係完全不同的3種概念 (見以前我提過門向、座向、門開的討論).

所以賞澄亦提過, 買屋之前見睇風水, 或者問多d意見, 就唔駛買左之後先煩…

4.08.2010

大門唔係對住所有的門都有問題的. 大門對住廁所門或廚房門是一定有問題的.

你的大門直對睡房門, 要再看清楚從大門直入房門後所見之物為何? 有沒有再對窗或對床(即由大門望到睡房入面的什麼傢俬?) 如再直衝對窗會財難聚, 如直對床則影響健康. 最差的當然是大門對正房門再對正套房內的廁所門(易患上腎、膀胱、泌尿生殖器官毛病), 還有不可對鐘或對鏡等等…

如果只是大門直對睡房門, 但看不到房內事物, 影響不大.

大門對房門再對窗, 咁樣會漏財. 可以在大門與房門之間, 或者房門與窗之間放物件(實物, 櫃或者高多葉植物)擋一擋, 令氣不致直接流出窗外.

只見床腳問題唔大, 但你做窗台床要確保床頭有靠(我之前的討論有提過何謂有靠).

室內如有部份長期偏暗, 陽光不到或沒有光源, 是比較易聚陰, 對屋內人健康有不良影響. 屋內的光源最好平均, 可考慮增加光源.

如果真是大門對房門再對窗, 床尾得果少少唔算擋隔. 梳妝台算擋到一些但唔夠高, 可以話好過冇, 漏少d. 有寵物就唔可以放植物係地下或者梳妝台, 實會推跌. 有些人會改放個高些的多層櫃桶代替梳妝台.

但我睇你張圖, 你個大窗好似唔係對住房門果邊, 而係床果一邊, 如果你企正係房門口, 對正的前方其實是牆, 再入些先係窗的話, 就冇所謂, 不用擋住.

4.06.2010

賞澄幫人上門睇風水時亦見過有些家庭的廚房門唔係兩旁都有位擺放植物(有時廚房旁就個大吊櫃), 只放一邊都可以, 但記住係大門同廚房門都擺. 這些植物會枯死得快, 死了要更換.

屋內如有種植物, 有枯葉要剪去.

睡床小百拜: 床向如配合睡的人的五行喜忌, 及安床選個吉位對財運健康很有助力(這是永久的, 如不改動裝修的話). 如流年有5黃2黑病星到床的方位, 一般會用擺放發聲金屬物件化解(只放該年). 流年3煞到床要避免裝修, 一定要裝修也要從旁邊方位開始較好, 並選擇吉日動土.

床頭要有靠, 要背靠牆或有床頭板, 起碼由張床板計起2呎高, 如剛巧半張床上方是window, 有不良影響: 不能熟睡亂發夢, 難集中精神常彷彿精神緊張, 伴侶多爭執, 工作上多是非小人, 多勞少得. 只靠拉上window簾冇用, 最簡單是加高床頭板.

好的風水除了可減凶增運, 也要令宅內的人感到舒適和方便, 所以住到風水屋的人自然開心又健康..

4.06.2010

五鬼位一般會放真葫蘆化病, 但其實最好計算廚房屬何宮位五行, 與流年飛星的關係作用才決定葫蘆用何種物料, 如純屬病土的五黃二黑可用銅葫蘆; 但如果是木火就不宜用強金剋火, 如果水火相沖, 用金加強水氣沒有通關就如火上加油. 葫蘆會吸病化煞, 易入難出, 如放錯位會有反效果.

即是說, 真係計清楚是五鬼位才好放葫蘆.

4.06.2010

當然不是, 單看機會率, 每位置業者都有機會買到風水好或風水差的樓. 單從玄學角度, 有"物以類聚", 行好運的人易遇上風水好的樓, 及會自自然然地對風水差的樓"看不上眼". 反而行衰運的人會較易搬入風水差的樓. 但行衰運, 特別是剛轉行衰運不久的人, 通常不會知道自己運氣轉差.

找人看風水提供中肯的專業意是可行的方法. 但如不想看風水, 多問第三者意見才作買賣租賃決定也可以, 因為加入了其他人的磁場可中和一下, 但最好找到一些行好運的人的意見, 或旺自已的人的意見.

4.06.2010

其實風水指是外在條件(巒頭)和屋的座向、氣的走向和間隔、飛星的配合(理氣), 有宅即有風水, 一向存在, 一有任何變動即時產生不同的影響, 所以不同食藥, 不用等藥力發作. 但事件發生的時間, 要配合住在屋內的人本身的運. 所以看風水的, 其實都會同時看屋主的命格, 以求作出最大程度的配合.