06/19/2010
古代並非自由選擇配偶, 故此有配婚的需要, 尤其是大戶有錢人家。
其實, 這個方法是"可行"的. 而且有易理根據。
賞澄先按斗臨經, 分為上婚、 中婚、下婚。 再用八字論婚姻, 看男女的性格是否相配, 男女方會否生旺對方, 會否有刑剋, 沒有子女, 會否離婚等等。 結果往往準得怕人。 中婚尤可, 如果是下婚, 只有靠風水去補保, 否則『夫多嬖寵, 婦多齟齬』, 兒女不得力。
不過, 由於現代社會, 提倡戀愛自由, 重視配婚的不多, 否則可以避凶, 免卻很多不必要的家庭問題。
當然, 如果真的相愛, 無論有任何問題, 其實都可以大家努力去解決.
06/19/2010
每個宅的財位, 是根據宅的坐向而定.
但如果不懂量度坐向, 或怕有誤 (陸賞澄最怕是遇上最差的兼卦), 想催財又不涉及坐向, 可用簡單的方法來催財。
第一種是放明財水。 放水種植物, 例如黃金葛, 或者一杯生水(水喉水, 2/3 滿 ), 在一開大門就見到的地方, 是為明財水, 有開門見財的寓意。
另外是用流年位催財. 2010年財位在中宮, 即全屋中間, 可開動一把電風扇吹旺(會好忙, 請有心理準備), 再催喜慶位全屋的西北方放4盆綠色泥種小盆栽+9個紅色利是封(或9枝紅色花也可). 不過只可放到2011年的2月4日前。
06/17/2010
如果流年剛巧遇上洗錢年:
1) 會成年好有買東西的衝動
2) 自己唔捨得洗都冇用, 全屋的傢具、電器, 會輪住壞
3) 家人、朋友, 會咁啱有事要你幫(破財)
4) 突然好想投資, 當然結果是唔見一筆
5) 最差是, 突然會有大病做手術
結論是, 既然一定會洗錢, 不如在自己計劃下洗好得多!
06/17/2010
不想BB 出生後旺父母多爭執, 或早年/少年不順多波折, 可以的話, 就避免以下的年月相沖月份, 但如果已預左 BB 16.17歲到外地讀書, 問題可以減輕.
以下月份日期是新曆, 但只是大約。 準確的開始日或結束日要視乎該年的節氣是何日. 只看每月的第一個節氣, 即立春、驚蟄、清明、立夏、芒種、小暑、立秋、白露、寒露、立冬、大雪和小寒等12個節氣:
出生年 vs 避沖出生月
鼠: 避沖6月6日-7月7日
牛: 避沖7月7日-8月8日
虎: 避沖8月8日-9月8日
兔: 避沖9月8日-10月8日
龍: 避沖10月8日-11月8日
蛇: 避沖11月8日-12月7日
馬: 避沖12月7日-1月6日
羊: 避沖1月6日-2月4日
猴: 避沖2月4日-3月6日
雞: 避沖3月6日-4月5日
狗: 避沖4月5日-5月6日
豬: 避沖5月6日-6月6日
06/17/2010
其實, 八字相當易睇, 可不可以嫁個有錢人.
但嫁到有錢人, 不代表老公一定俾錢你洗, 如果丈夫星是你用神, 先有得睇, 有得洗.
男命一樣, 可以由八字看到, 是否可靠有錢老婆發達.
06/17/2010
賞澄睇番電視講開香港的一個社會現象 – 窮忙族, 忽有所感, 相信窮忙應該有以下八字特徵:
窮 -
1) 比刧爭財 (易因朋友家人平輩破財)
2) 有沖刑 (儲唔到錢)
3) 財星露 (儲唔到錢)
4) 冇財的夾萬 (儲唔到錢)
5) 唔行運
忙 -
1) 多比刧或行比刧運 (為朋友家人同事平輩而忙, 工作忙)
2) 行衰運(多勞少得)
3) 傷官星 (急功, 愛表現, 愛出頭)
4) 殺星 (好勝, 愛做大佬, 自然"貴人"多事忙, 強出頭)
命運冇得改變, 要行廿年辛苦運係一定要行, 但人如果知命, 可以順著條命來做事發展, 自然容易成功….
例如, 明知自己係窮忙, 可以:
1) 唔好儲錢, 橫豎都儲唔到, 每次有閒錢就買有價值的投資. 入中資銀行股, 平均成平, 十年後隨時變 HxBC 第二. 如果自知八字要金, 咪買金囉. 阿Q些, 買名錶, 買左後即變半價, 都好過冇晒! 甚至去 travel, 可增廣見聞 (最好去旺自已的地方借地運). 最好係讀書, 可以增值.
只要有錢就洗, 就應驗左比刧爭財了.(財=現金, 股票=紙一張, 黃金=實物)
2) 明知會忙, 改做些不穩定, 有分佣, 做一單賺一單, 越忙越有錢收的工作. 就算唔行運, 起碼不愁生活, 因為真係忙到唔停得手, 益自己好過!
當然, 首要條件, 要知道自己八字係窮忙一族.
(以上只屬賞澄個人建議, 不構成任何投資邀約.)
06/16/2010
有些八字, 受先天年、月支的限制, 即使未知出生的一日屬何五行, 也可看到部份影響.
明年2011年, 年的天干地支是辛卯.
如果有BB是明年新曆3月6日至4月5日出生, 月天干地支也是辛卯.
年、月柱辛卯對辛卯, 單看這兩條柱 (不理日主五行, 不計身旺弱及變通星), 已有刑父母宮問題, 主父母多爭執感情不佳. 如果辛卯是父母星, 也有可能代表重父或重母. 卯卯自刑, 日主通常性格較內斂, 易鑽牛角尖, 悲觀. 可以於16-17歲出外地讀書化解.
另外, 新曆9月8日至10月8日出生, 月柱丁酉, 年柱辛卯, 是為天剋地沖, 也表示父母親關係不穩定, 日主自己早年及少年的歲運起落大. 父親或母親的身體差(視乎日主五行及父母星的變通星為何)或自己34歲前的體質較弱. 可以於16-17歲出外地讀書化解.
其他的月份好不好, 要視乎出生當日的五行屬性, 一般來說, 身強者要剋洩, 身弱者要幫扶. 要配合整個八字來看.
06/15/2010
1) 財旺, 財旺生官, 旺老闆;
2) 身弱, 較易話為, 聽話;
3) 不要多比刧, 太硬頸;
4) 不要行食傷運, 剋老細.
5) 八字五行屬性生旺老闆.
不過, 這只是理想化. 請人難, 請到, 有時已經偷笑.
06/15/2010
好多老闆, 都信八字, 會用八字去請個旺自己的人.
通常用來睇個性, 睇下係咩 post, 想請 sales & marketing (銷售) 人員, 會找個財旺既; 想請秘書, 找個做事細心又忠心又唔剋老細的. 身弱的無咁硬頸, 身強會有主見. 但最緊要, 一定不可以行緊剋老細的大運或流年.
如果員工流年剋老闆, 老闆自己又犯流年, 加埋風水問題, 易有官非、損傷、意外大病, 生意亦有問題.
06/14/2010
上星期做了一個財多身弱的八字. 客人是無做野, 只湊小朋友.
特點是八字身弱財多, 自坐丈夫財星.
女子自坐財星, 的確是老公俾錢佢錢, 唔駛做都有錢.
但老公不是用神, 對佢冇幫助, 出糧的錢是俾晒老婆, 但經老婆手洗晒, 全部是為頭家. 有得洗, 冇得儲.
自已身弱受唔起財星, 天干比刧爭財, 一有錢, 就病, 一係屋企人有事, 又係冇錢儲.
結婚後行財運, 財運變窮運, 荷包永遠冇多餘錢.
綜緩冇佢份, 因為老公其實都算搵到. 但, 一個家庭開支大, 永遠冇錢剩.
中晚年行辛苦個人力量運, 即係錢會得來不易, 有朋友家人助力, 都好過行財運, 生活有改善, 即係話, 晚年會靠子女養. 晚年沖刑健康, 其中原因是後生時冇好好調理. 中年水火相沖, 但死頂捱過就算, 冇好好休息.
好在八字身弱, 個人冇咩要求, 易滿足, 但求一家齊齊整整. 合夫星, 同老公感情好好. 子女是用神, 雖冇錢, 但一家其樂融融.
八字行貴人運最好, 但一生都行不到, 只行到比刧同食傷運. 好在食傷運, 子女聽話令自己開心, 子女都算用神, 不過格局不夠貴氣, 所以一生冇權力.